TDAH- poema n'asturianu

 Fino'l día

Cola firme conocencia

de que tengo un paraísu equí

dientro min.

Delles vegaes siéntolu llamame.

Cálmame y faime entrar n'elli.

Otres ye la llamada'l escaecimientu

d'un ensame "caótico neutral"

que paez non buscar 

namás que ríse d'ún.

Esti paraísu ta diagnosticáu

de daqué que nun sé controlar del too

pero que nun quiero controlar.

a

Enllenu d'entrugues

que me lleven a l'autoconocencia,

de duldes que nun faen más que dar sentíu

a esta llucha escontra min.

Enllenu'l so caos particular.

Nun ye la primer vez

que soi un Jack Torrance

corriendo perdíu 

pol so llaberintu.

Ello ye

que'l mio paraísu nun me dexa morrer

xeláu n'elli.

Ye la mio suerte 

y la mio falcatrúa.

Pablo Desaniciu